HELP WANTED (part 4)

Inday#4:   Sa kadugayan, nakakuha ra gyud intawn mi ug katabang.  Usa ka dalagita nga gikan sa uma.  Tungod sa nilabayng "rice crisis"  nihangyo ang mga ginikanan nga magkatabang ilang anak. Pa-eskwelahon lang  bahala’g wala’y sweldo basta hatagan lang ug baon kada adlaw.  Naa na pud ta aning "scholar" nga katabang! Hala sige, maayo na lang kaysa wala!  Utong! 

Ug sa dihang… wala’y nahibaw-an!  Dili kabalo magluto, kami gihapon luto. Nanimaho gihapon ug sabon ang mga baso, magputi-puti pa ang mga kutsara inig human ug hugas, usabon namo ug hugas. Ang mga nilabhan murag bulingon man gihapon, usabon intawn nako ug laba. Inig ka uga sa mga hinayhay, magtapun-og ka gihapon sa butanganan.  Kung dili suguon (with demonstration pa gani) dili pud pamiluon. Ang mga duwa-an sa bata, madugmok intawn kay matumban kay kung dili suguon nga hipuson, pasagdan lang pud. Gitubuan na intawn ug sibuyas, kamatis ug kalabasa ang ibabao sa TV ug istante sa mga figurines, kay wala intawn trapuhi kay wala suguo-a. 

"Tart, nindot kaayo atong kwarto. Murag beach."   Balason na intawn ang salog kay wala silhigi.  Tag-ana nganong wala nasilhigan?

Akong itugon ang salog sa kwarto dayon namong lakaw para mag-opisina.  Inigbalik namo sa hapon, nanilhig tuod! Pero abog  ang ibabao sa TV ug speakers sa component.  Mangutana pa ko ngano? Sorry, sayop nako nganong ang salog ra akong gitugon!

Himan-himan pa ni-ana, pwerteng puti-a sa nawng, murag ungo!  Diay, samtang wala mi ug nanglimpyo (nanilhig ra diay) kuno sa kwarto, nanghilabot sa akong make-up ang karaho! (nosebleed…)

 

Help Wanted:  Tabangi intawn ko ninyo unsaon nako pagsakop ug tarong nga katabang!!!

Advertisements

2 Comments

  1. gensanite said,

    October 17, 2008 at 4:08 pm

    paeta sa imong kahimtang, MILETTE, akong amigo…

    sa panalagsa nimong pagpahuway matag sabado ug dominggo, hinaot pa nga matudluan nimo siya ug butang ug make-up sa iyang nawong, aron mura’g dili pud siya mura’g ungo tan-awon… hahaay… kinabuhi gayud… maypa ang unggoy kay adunay gi-kagod… hinaot pa nga magmalapuson ang inyong pag-uban… hangtod nga makita niya sa imo ang iyang inahan… kalisod tuod gayud… utong na lang intawong akong friend, kay basi ma-vote out lang siya in the end… maybe in a few days… in a few weeks… makakanta gyud intawon ka’g linya sa “my way” nga, “near is the end”…

    amen…

    p.s.

    palihug sumapyi ug oremus…
    “unod, bukog, bukog, unod…” :p

  2. khalela said,

    October 18, 2008 at 2:26 am

    Salamat sa imong kumentaryo. Paet mulang! Akong sugo, akong tuman kay i-demonstrate pa man. Hinaut unta naay makat-onan! I-ampo mo kami. Amen


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: